Galiza, Cataluña e Euskadi estudarán a posibilidade de poñer en marcha tradutores automáticos nas tres linguas propias. Así o acordaron as tres comunidades nunha reunión da comisión de seguimento, celebrada onte en Barcelona, na que Illes Balears solicitou formalmente unirse ao protocolo de colaboración en materia de política lingüística.

Os gobernos galego, catalán e vasco subscribiron a incorporación da Administración balear o 16 de marzo de 2007 e, trala petición formal de onte, mostraron o seu compromiso para iniciar os trámites legais correspondentes e facer "efectiva" a incorporación das Illes Balears, que se formalizará en Palma "proximamente".

Ao respecto, os titulares destes departamentos na Galiza, Cataluña e Euskadi, Marisol López, Bernat Joan e Patxi Baztarrika, expresaron a súa "satisfacción" pola solicitude do que será o cuarto membro da comisión de seguimento.

No transcurso da reunión tamén se abordaron outros temas, entre os que se atopan as diferentes actividades previstas para o presente exercicio, no que se conmemora o Ano Europeo das Linguas e a posibilidade de poñer en marcha tradutores automáticos nas tres linguas propias.

Boa iniciativa.

Comentarios (1)

1 Lois MundoGaliza en euskera que chuli... Abril 04, 2008

Escribir comentario

Nome

Comentario

Novo Comentario

Compartir: