O alcalde de Santiago de Compostela, Xosé Sánchez Bugallo, anunciou que a capital galega foi elixida para expoñer o seu modelo de rehabilitación e preservación da cidade histórica e de desenvolvemento urbanístico na Expo de Shanghai 2010. Avanzou que se buscará o apoio da Xunta, xa que se pretende representar a toda Galiza.

A confirmación oficial chegou onte. A Exposición Universal de Shanghai 2010 estará dedicada monográficamente ás cidades baixo o lema 'Mellores cidades, mellor vida' e nela participarán urbes de todo o mundo.

A elección correu a cargo dun comité internacional, integrado por altos representantes do Goberno chinés, a Unesco, o Banco Mundial, entre outros organismos, e presidido polos responsables da Dirección Executiva da UN-Hábitat e a Secretaría Xeral da Buró Internacional de Exposicións (BIE).

O Concello de Santiago celebrou esta elección e destacou que está "moi satisfeito" pola noticia e que intentará buscar o respaldo da Xunta para executar este proxecto co obxectivo de que Galiza estea representada a través da capital.

Comentarios (0)

Escribir comentario

Nome

Comentario

Novo Comentario

Compartir: