A Facultade de Ciencias da Educación da Universidade de Santiago de Compostela (USC) acollerá hoxe e o sábado unhas xornadas sobre lingua e literatura galegas, nas que participarán profesores e escritores, ademais de expertos na materia, e que está organizada polo sindicato CIG e a Asociación Sociopedagóxica Galega.

Xa o sábado, as xornadas continuaranse ás 10.00 horas cun relatorio de Antón Riveiro Coello, que falará sobre a súa obra, á que seguirá Rosa Salgueiro, profesora de lingua e literatura. A continuación, a actriz e poeta Antía Otero falará sobre a creación literaria e, tras outras intervencións de profesores, celebrarase unha mesa redonda con varios escritores, entre os que están Camilo Franco Iglesias, Marilar Aleixandre e Xabier Docampo.

Pola tarde, o presidente da Mesa pola Normalización Lingüística, Carlos Callón, dará unha conferencia titulada 'O galego: normalización, substitución ou disolución?". Esta actividade pecharase con 'Poesía e Imaxe', unha proxección comentada dunha peregrinación con Manuel María, dirixido por Lois Diéguez e realizada por Xoán Carlos Garrido.

Comentarios (0)

Escribir comentario

Nome

Comentario

Novo Comentario

Compartir: