O presidente da Comisión Europea, José Manuel Durao Barroso, sabía, cando era primeiro ministro de Portugal, que Estados Unidos estaba utilizando un navío-prisión que fixo escala en Portugal, segundo afirmou o director da organización de Dereitos Humanos Reprieve, Clive Stafford Smith, en conferencia de imprensa en Lisboa.

Smith confirmou, para que non quedasen dúbidas, que 'o ex-primeiro ministro portugués' ao que se refería era o actual presidente da Comisión Europea. O informe Reprieve, divulgado en xaneiro, revela que se transportaron ilegalmente máis de 700 presos á base estadounidense de Guantánamo, en Cuba, 'con axuda de Portugal', entre outros países, e que polo menos 94 voos pasaron por territorio luso entre 2002 e 2006.

Ademais, aporta unha fotografía do navío USS Bataan no porto de Lisboa en xuño de 2003, aínda que segundo ese informe tamén fixo escala en Porto. O director de Reprieve ameazou con denunciar ao Goberno portugués se este non colabora voluntariamente para descubrir a verdadeira implicación de Portugal na transferencia de presos á base de Guantánamo.

Smith, que tamén é avogado de varios detidos en Guantánamo, asegurou que o seu único interese é 'defender ás persoas que van ser executadas'.

Compartir:

Comentarios (0)

Escribir comentario

Nome

Comentario

Escribe os carácteres da imaxe

Novo Comentario