 |
Moi astuta a presidenta da Comunidade de Madrid, Esperanza Aguirre, non di que se vai presentar como candidata á presidencia do Partido Popular mais tampouco di que non o vaia a facer nun futuro.
Agora só resta que lle digan que ten temperamento galego...
|
Esperanza vai tomando posicións, xa apartou a Gallardón, agora esperará a postularse como candidata do seu partido á presidencia do goberno español, logo das autonómicas da Galiza e Euskadi de 2009, previsiblemente con peores resultados para o PP que nas autonómicas do 2005.
Doutra banda, as matemáticas non lle funcionan para xuño, non ten moito tempo para convencer ás agrupacións territoriais, que xa deron o visto bo ao terceiro mandato de Rajoy, de que ela é a mellor opción de futuro.
Malia pensar que Rajoy é un perdedor, hai moitos populares interesados en manter todo como está, non queren perder o seu sillón.
No acto organizado onte polo ABC, Esperanza dixo que as cousas podíanse facerse mellor (clara referencia a Rajoy) e ademais se declarou "liberal". Moi doado dicir a palabra liberal, mais baleira de significado xa que non o aplica, e como mostra temos entre outras cousas o vergoñento xeito de conceder aos seus amigos as licenzas de radio e televisión na comunidade madrileña. É o que ten o querer asegurarse un trato máis que favorable nos medios.
Haberá que esperar pouco, chegará o "liberalismo" de Aguirre á fronte do PP cos seus grandes coñecementos culturais (Sara Mago, excelente pintora?), tempo ao tempo.
Comentarios () |
|
|
|
|
|
