O traballador de Albada (empresa encargada da xestión da planta de tratamento de residuos de Nostián, na Coruña), detido onte pola mañá e acusado de desobediencia á autoridade anunciou que denunciará aos axentes por agresión.

O Comité de Empresa explicou que varios axentes bateron neste traballador. "Tirárono ao chan e golpeáronlle a cabeza contra a carrocería do coche policial", relatou. Unha actitude que "condenaron sen paliativos", ademais de mostrar o seu "apoio total" ao traballador.

Por iso, anunciaron que o acompañarán ao xuízo rápido que terá lugar o xoves ás 11.20 horas na Coruña, o que obriga a cancelar a manifestación prevista para ese día en Santiago de Compostela como "colofón" ás súas manifestacións antes de comezar a folga indefinida o día 12.

Os feitos tiveron lugar arredor das 12.30 horas, cando finalizaba unha manifestación que partira ás 11.00 horas do centro de saúde do Ventorrillo e que finalizou na praza de María Pita. Segundo explicaron traballadores presentes na detención, un axente da Policía Nacional esixiu a un traballador, que ía pechando a mobilización, que non se demorase agarrándoo polo brazo.

Isto provocou un enfrontamento entre ambos que rematou coa detención do traballador e o seu traslado á comisaría de policía de Lonzas. Alí o traballador, Ramón Borja Jiménez, tivo que dar conta do acontecido, asesorado por un avogado da CIG e polo seu voceiro, Paulo Carril; antes de ser posto en liberdade pasadas as 14.00 horas e á espera dun xuízo rápido por resistencia á autoridade.

Compartir:

Comentarios (0)

Escribir comentario

Nome

Comentario

Escribe os carácteres da imaxe

Novo Comentario