O presidente da Xunta, Emilio Pérez Touriño, anunciou que responsables da Galiza e Portugal celebrarán unha reunión en Ourense o día 25 de abril para desenvolver "un plan de actuación inspectora conxunta galaico-portuguesa", en resposta no pleno da Cámara galega a unha pregunta do voceiro do BNG, Carlos Aymerich.

O presidente da Xunta respondía así á preocupación que lle manifestara Aymerich ao respecto da situación dos traballadores portugueses, que participan na realización de grandes infraestruturas na Galiza, e que non son tratados nas mesmas condicións que os españois. 

Aymerich denunciou que algúns obreiros contan con contratos falsos nos que figura un salario que finalmente non perciben, ademais de que "non se cumpre o convenio da construción", polo que esperou que a reunión anunciada por Touriño "teña algo positivo" para resolver esta problemática.

O xefe do Executivo recordou que por lei as condicións deben ser iguais para todos os traballadores, independentemente da súa nacionalidade. Ademais, resaltou que no caso concreto das obras da AVE a Xunta as considera de alto risco e realiza un "seguimento continuado e permanente".

Seguridade e dignidade salarial, cumprindo os convenios e as normas, para todos os traballadores galego-portugueses. As empresas que non cumpran terían que ser fortemente sancionadas.

Acaso quen xoga coa seguridade dos seus traballadores non merece castigo? e o que explota, engana e en última instancia rouba? e o xenófobo tampouco?

Compartir:

Comentarios (0)

Escribir comentario

Nome

Comentario

Escribe os carácteres da imaxe

Novo Comentario