O Tribunal de 1ª Instáncia nº 1 de Compostela dirigiu-se a NÓS-Unidade Popular para reclamar a “traduçom” de um documento escrito em galego reintegrado, seguindo o padrom proposto pola AGAL, considerando que nom está escrito em nengumha das duas línguas oficiais na Comunidade Autónoma da Galiza.

O assunto tem relaçom com demanda apresentada no passado mês de Janeiro por NÓS-Unidade Popular contra a Unión Federal de Guardais Civiles (UFGC), polas graves calúnias dirigidas por esse colectivo contra a nossa organizaçom, chegando a afirmar publicamente que estávamos “dispostos a atentar”.

Numha notificaçom redigida integralmente em espanhol, o referido Tribunal compostelano acaba de dar um prazo de dez dias a NÓS-Unidade Popular para que “traduza” para “língua castelhana ou galega” a demanda apresentada contra a UFGC.

A nossa organizaçom recorreu imediatamente da decisom do tribunal compostelano, alegando a existência de outras actuaçons legais ao longo das duas últimas décadas, escritas consoante as normas reintegracionistas.

Em concreto, o recurso de reposiçom apresentado pola defesa de NÓS-Unidade Popular anexa umha sentença da Sala do Contencioso-Administrativo do Tribunal Superior de Justiça da Galiza 1987, redigida em galego reintegrado polos próprios magistrados.

NÓS-Unidade Popular considera que a notificaçom do Tribunal vulnera direitos fundamentais e condena à indefensom a nossa organizaçom. Por isso reclama que seja admitido o escrito e se vaia ao fundo do assunto: a demanda por calúnias contra a Unión Federal de Guardias Civiles.

Comentarios (0)

Escribir comentario

Nome

Comentario

Novo Comentario

Compartir: