MundoGaliza - Abel Losada novo director xeral do gabinete de Presidencia

Usuarios Rexistrados (Tamén para o Foro)

Abel Losada novo director xeral do gabinete de Presidencia

Redacción MundoGaliza | Venres, 11 de Abril do 2008 | Comunicación

O Consello da Xunta autorizou o nomeamento de Abel Losada como novo director xeral do gabinete de Presidencia, quen onte anunciou no pleno do Parlamento a súa renuncia como deputado do Grupo Parlamentario Socialista, no que era voceiro de Infraestruturas.

Losada, nacido en Ourense e residente en Vigo, é doutor en Ciencias Económicas e profesor titular de Historia e Institucións Económicas na Facultade de Ciencias Económicas e Empresariais da Universidade de Vigo. Tamén foi concelleiro na cidade olívica e forma parte da Executiva do PSdeG.

O novo director xeral do gabinete substitúe no cargo a Aurelio Romero Montañés, que renunciou hai varias semanas. Pola súa banda, a número 10 da candidatura socialista por Pontevedra, María Soledad Sánchez Trujillano, substituirá a Losada no Parlamento, xa que o anterior na lista, Pedro Borrajo, expresou a súa vontade continuar como delegado da Consellaría de Traballo en Pontevedra.

Comentarios (0)

Escribir comentario

< Ant.		Seg. >

[ Atrás ]