Veciños da localidade pontevedresa de Moaña, contrarios á suba do catastro, encadeáronse onte durante algo máis de cinco horas no exterior do Concello para pedir ao alcalde, Xosé Manuel Millán, que os reciba e dea "unha solución" ante a suba do catastro prevista para os próximos anos.

Neste senso, explicou que as persoas encadeadas "contan co apoio dos cidadáns, polo que ás veces houbo entre 30 e 50 persoas concentradas". Verdeal precisou que, de non ser convocados polo alcalde, o encadeamento "se manterá" cada día durante o horario de apertura ao público do Concello, polo menos até o sábado 19 de abril, cando celebrarán unha manifestación polas rúas da localidade.

O voceiro do colectivo, que tamén conta co apoio do PP local, explicou que a mobilización recibiu a autorización da subdelegación do Goberno en Pontevedra e recordou que servirá para pedir unha revisión do catastro. "Non nos negamos a pagalo, senón a facelo na súa xusta medida", destacou.

Fontes da Policía Local de Moaña reduciron o número de participantes na protesta a "seis persoas", os que "estiveron encadeados entre si no exterior do Concello" até as 14.00 horas, e explicaron que unha patrulla permaneceu ás portas da sede consistorial para evitar que entrasen os encadeados e outra xente que portaba instrumentos para facer unha cacerolada.

Comentarios (0)

Escribir comentario

Nome

Comentario

Novo Comentario

Compartir: