A empresa encargada da xestión da planta de tratamento de residuos de Nostián, na Coruña, asinou un preacordo co Comité de Empresa e desconvoca a folga xeral prevista para a partires desta noite.

O preacordo estipula que o novo convenio colectivo de Albada teña unha vixencia de tres anos, dende o 1 de xaneiro de 2008 e até o 31 de decembro de 2010, data na que a empresa garantiu que homologará as condicións salariais dos seus empregados coas do persoal da planta de Sogama.

O presidente do Comité de Empresa, Xosé Manuel Vilariño, recordou que a homologación salarial con Sogama é "unha demanda histórica dos empregados de Nostián" e aclarou que os demais puntos do novo convenio colectivo se negociarán nunha nova mesa de traballo.

Compartir:

Comentarios (0)

Escribir comentario

Nome

Comentario

Escribe os carácteres da imaxe

Novo Comentario