A Comisión Institucional do Parlamento debaterá mañá a utilización do galego nos medios de comunicación e a distribución das subvencións que outorga a Xunta, ao respecto, en virtude dunha iniciativa do BNG.

A iniciativa tamén aborda a "precariedade laboral" dos xornalistas, que se mobilizaron baixo a campaña 'A miña precariedade é a túa desinformación', e na que se recollen "xornadas laborais abusivas, contratos en precario, abuso de persoal en prácticas e aumento da porcentaxe de falsos autónomos".

A deputada do BNG Modesta Riobó preguntará sobre "as axudas económicas destinadas ás empresas xornalísticas e de radiodifusión". Precisamente pola situación creada a raíz das subvencións, o SXG acusou os partidos e á Xunta de ser "cómplices dunha ilegalidade" ao argumentar que existen evidencias de que as empresas vulneran a normativa das axudas establecida no Diario Oficial de Galicia (DOG).

Comentarios (0)

Escribir comentario

Nome

Comentario

Novo Comentario

Compartir: