Galicia e o Norte de Portugal reforzan a súa cooperación en materia cultural e buscan fondos europeos para proxectos comúns en cultura, deporte tradicional e patrimonio. A Consellaría de Cultura lidera tres dos catro proxectos para os que se aspira a conseguir algo máis de 4,71 millóns de euros a cargo de financiamento europeo.

A representación lusa estivo encabezada pola delegada do Ministerio de Cultura para a Rexión do Norte, Helena Gil, e tamén asistiron José María da Fonseca, vicepresidente do Instituto do desporto; e Joaquim Lima, director de ADRAVE (Agência de Desenvolvimento Regional do Vale do Ave).

Segundo a Xunta, o obxectivo destes novos proxectos é "reforzar a cooperación entre Galiza e o Norte de Portugal en materia cultural". Así mesmo, búscase "poñer en valor" o patrimonio compartido.

Cultura lidera os proxectos 'A industria cultural galego-portuguesa' (onde é socio a Dirección Rexional de Cultura do Norte de Portugal), que ten un presuposto global de 1,71 millóns; 'Depórtesvos tradicionais, un patrimonio da Eurorrexión' (co organismo anterior e co Instituto do desporto), para o que se prevé unha inversión de 1,28 millóns; e 'Patrimonio arqueolóxico: castros e arte rupestre' (coa Dirección Rexional de Cultura do Norte e a ADRAVE), cun presuposto de 2 millóns.

Pola súa banda, a Dirección Rexional de Cultura do Norte de Portugal é o xefe de fila do proxecto 'Fortalezas e estruturas defensivas da Eurorrexión', no que figura como socio a Consellería de Cultura de Galicia. Neste caso o presuposto previsto é de 1,44 millóns. Para cada proxecto aspírase a fondos europeos polo 75% do presuposto previsto.

Compartir:

Comentarios (0)

Escribir comentario

Nome

Comentario

Escribe os carácteres da imaxe

Novo Comentario