O Parlamento da Galiza celebra hoxe xoves na Coruña o acto ' Convivencias Centenarias' para celebrar os 800 anos da cidade e apoiar a candidatura da Torre de Hércules a Patrimonio da Humanidade.

Os actos empezarán coa recepción ofrecida a Villarino e aos membros da Mesa da Cámara por parte do alcalde herculino, Javier Losada, e os voceiros municipais no Concello. A continuación visitarán a exposición ao aire libre 'Convivencias centenarias', composta por doce imaxes e doce textos situada nos Cantóns.

Despois a comitiva visitará a Carta de Poboación concedida á cidade polo rei Alfonso IX no edificio Salvador de Madariaga e a presidenta da Cámara, a Mesa, o alcalde e a corporación municipal visitarán a Torre de Hércules.

Pola tarde terá lugar o acto central en Palexco a cargo de Nani García, responsable de máis de cincuenta publicacións discográficas entre as que se inclúen a banda sonora da película 'De Profundis'.

No acto intervirán Villarino, e o alcalde coruñés, e incluirá ademais a proxección de vídeos históricos da cidade extraidos dos arquivos do CGAI, antes de rematar coa interpretación do himno galego a cargo do coro coruñés 'Cantigas da Terra'.

Compartir:

Comentarios (0)

Escribir comentario

Nome

Comentario

Escribe os carácteres da imaxe

Novo Comentario