| Dúas veces despedida Isabel Quintairos |
|
|
| Redacción MundoGaliza | Venres, 18 de Abril do 2008 | Comunicación | |||
Quintairos xamais imaxinara que a excedencia que solicitou en 2004 lle sairía tan cara. Foi designada asesora técnica da Deputación da Coruña, polo que a cadea concedeulle unha excedencia forzosa. Durante catro anos, Isabel ocupou o posto de responsable de prensa do Grupo Provincial do BNG. En xullo de 2007, Quintairos solicitou o seu regreso. O director da emisora en Santiago, Javier Castro, dixo alegrarse da súa reincorporación. Todo ía segundo o previsto, mais en cuestión de horas empezou o suplicio: "Os do Bloque non teñen outro posto para ti?". O mesmo director que a recibiu cos brazos abertos o día anterior, explicaba agora á xornalista que non podía reincorporarse porque non había postos vacantes na empresa. "Pero eu non necesitaba unha vacante, senón que me devolvesen o meu posto", replica Quintairos. Empeza entón o proceso xudicial. Os avogados de Quintairos presentaron unha demanda ao Xulgado do Social número 2 de Santiago. A Cope non informou á traballadora das causas do seu despedimento, polo que Quintairos alegou que a decisión estaba motivada polo seu matrimonio con outra muller e por traballar para un partido de esquerdas e nacionalista.
A xuíza condenou á empresa a readmitir á traballadora no mesmo posto de traballo e coas mesmas condicións que rexían antes do seu despedimento. A Cope recorreu a sentenza, entre outros motivos, por estar dictada en galego, que os avogados da cadea non advertiron descoñecer até coñecer o fallo. E se fallaran a favor da COPE? entenderían a sentenza ou a recorrerían? O xoves pasado, a Cope readmitiu á traballadora. E así estivo até o luns, cando o director lle entregou unha carta de despedimento "por razóns obxectivas" -as mesmas que a xuíza desestimou - e un talón por valor de máis de 32.000 euros. E volta a empezar. Os avogados da xornalista solicitaron unha vez máis a execución da sentenza logo do que cualifican de "despropósito xurídico e fraude de lei".
Desde MundoGaliza queremos ofrecer o noso apoio a Isabel e a nosa solidaridade cunha compañeira loitadora.
Compartir:         |
|||
| < Ant. | Seg. > |
|---|
