Os "barones" do PP radicalizaron a súa posición ante a prolongación temporal do minitrasvase do Ebro de Tarragona a Barcelona. Francisco Camps e Ramón Luís Valcárcel aseguraron que recorrerán ao Tribunal Constitucional, para que recupere "totalmente" o Plan Hidrolóxico Nacional que as Cortes aprobaron cando o PP tiña maioría absoluta e o PSOE derogou no ano 2004.

Os dous presidentes autonómicos entenden, a partir de non admitir as diferenzas entre o proxecto que impulsou Aznar e a solución para a urxencia hídrica de Barcelona que onte aprobou o consello de ministros, que se a capital catalá tivo un trasvase tamén o deben ter eles.

Pero os barones do PP non queren unha interconexión puntual de redes (a de Barcelona aportará 40 hectómetros cúbicos por ano) senón un trasvase do Ebro en toda regra, que trasladaría 1.050 hectómetros cúbicos (proxecto cando Aznar era presidente do goberno). Os dous citáronse na Generalitat valenciana durante tres horas e media para fixar unha posición común.

Un e outro mostráronse agraviados en relación a Catalunya pola decisión "unilateral" de Zapatero que, nun inicio de lexislatura que xulgaron nefasto, estaríalles negando a auga procedente de trasvases que se conceden a Barcelona.

Por iso irán ao TC, aínda de maioría conservadora. Para Valcárcel non se trata de tombar a solución para a capital catalá senón de reclamar para os seus territorios o "mesmo trato" en base ao principio constitucional de igualdade.

Pois que entenderán estes de igualdade e de constitucionalidade se nin coñecen nin aplican a unha nin a outra?

De prosperar o recurso apenas se viría demostrar unha vez máis do pé que coxea o Tribunal Constitucional, casualmente, de maioría conservadora.

Compartir:

Comentarios (0)

Escribir comentario

Nome

Comentario

Escribe os carácteres da imaxe

Novo Comentario