O aeroporto de Porto supera a cifra de máis de 400.000 galegos que utilizan ao ano as súas terminais. O Sá Carneiro conta desde hai tres anos co que non teñen as terminais galegas: autobuses regulares que achegan pasaxeiros desde A Coruña, Santiago, Pontevedra, Vigo e até desde o mesmo aeroporto de Peinador. Cada semana, 42 buses viaxan desde Galiza até as portas do segundo aeródromo de Portugal, que conta cun carril reservado en exclusiva para os  autobuses galegos.

Uns 700 viaxeiros van cada mes desde Vigo á terminal aérea do norte luso, por 18 euros o itinerario de ida e volta, nos autobuses da empresa Autna. Outros 1.800 parten da estación de autobuses viguesa a algún dos destinos cubertos por esta liña no país veciño, que chega coas súas unidades até o Algarve.

Alsa é a encargada de recoller desde A Coruña até Vigo a todos os que pretendan achegarse en transporte público ao Sá Carneiro. Até 15 frecuencias semanais parten da cidade herculina desde as 9 ás 21 horas nunha viaxe de 3,5 horas, por un prezo de 51 euros ida e volta, ou 28 se o traxecto se realiza nun único sentido. Santiago, Pontevedra, Vigo e Peinador son as súas paradas antes de entrar no país veciño.

Compartir:

Comentarios (0)

Escribir comentario

Nome

Comentario

Escribe os carácteres da imaxe

Novo Comentario