O bispo progresista Fernando Lugo, líder da Alianza Patriótica para o Cambio (APC), logrou a fazaña de terminar con 61 anos de goberno absoluto do Partido Colorado en Paraguai, co que se abre no país un futuro de esperanza pero tamén de incertezas.

O bispo comprometeuse ante os concorrentes que encabezará un goberno que se "caracterizará pola honestidade e non pola corrupción", en indirecta alusión aos colorados. Lugo insistiu na nova era da política nacional "sen clientelismos nin sectarismo".

A xornada electoral estivo chea de declaracións de todos os candidatos e sobre todo da guerra interna aberta no interior do Partido Colorado, un síntoma que facía prever a posibilidade real de que a formación abandoara o poder.

Xa antes do reconto oficial a Igrexa católica reaccionara ante a vitoria de Lugo. O presidente da conferencia episcopal, Ignacio Gogorza, declarou que o Papa "vai atopar unha solución" para a situación do bispo, sancionado canónicamente por dedicarse á política e a quen Roma vai outorgar agora unha dispensa.

Ao César o que é do César e a Deus o que é de Deus.

Que fai un bispo presidindo un goberno?

Comentarios (0)

Escribir comentario

Nome

Comentario

Novo Comentario

Compartir: