Caixanova e o Concello da Coruña presentan o día 24 de abril, ás 20.00 horas, a conferencia do xornalista Alfonso Rojo, 'O periodismo de hoxe', no Centro Social Caixanova. Esta charla enmárcase no ciclo 'Periodismo século XXI', que pretende achegar ao grande público a profesionais de recoñecido prestixio. Ademais de Alfonso Rojo, tamén participarán nesta actividade outros xornalistas do talle de Sebastián Álvaro ou Ángeles Caso.

Rojo foi correspondente de prensa en países tan variados como Nicaragua, El Salvador, Afganistán, Iraque, Líbano, Romanía, Iugoslavia, Sudáfrica, Albania, Ruanda, Chechenia, Zaire, Indonesia e Etiopía. En 1991 foi o único representante dun medio escrito occidental que cubriu día a día a guerra do Golfo dende Bagdad, baixo o permanente bombardeo aliado.

Trasladouse posteriormente a Afganistán dende onde informou diariamente da actualidade da guerra ata a entrada en Kabul das tropas da Alianza do norte, do asasinato dos xornalistas, incluído o de Julio Fuentes, compañeiro seu, e dos asedios á cidade de Kandahar, último enclave talibán.

Rojo estivo tamén en Ramala cubrindo o conflito árabe-israelí. O 11 se setembro do 2002 estivo en Kabul, tamén estivo no teatro de Moscu secuestrado por terroristas chechenos no que morreron máis de cen persoas, e segue viaxando a Iraq periodicamente.

Cubriu toda a guerra de Iraq para o xornal El Mundo e, dende hai uns meses traballa para ABC e é director do xornal dixital PeriodistaDigital.com. Colaborador habitual no programa 'Protagonistas' de Luis del Olmo e de varios faladoiros televisivos.

É autor dos libros xornalísticos 'La comida del tigre', 'Diario de la guerra', 'Moscú sin compás', 'Holocausto en los Balcáns', 'La odisea de la tribu blanca' e 'Reportero de guerra'. Tamén escribiu as novelas 'El sonido del cascabel', 'El ojo ajeno', 'Instinto animal', 'Pecados' e a última publicada en abril do 2002 'Matar para vivir'.

Comentarios (0)

Escribir comentario

Nome

Comentario

Novo Comentario

Compartir: