O Centro Social Gomes Gaioso sediado na rua Marcóni entre os populares bairros corunheses das Atochas e Monte Alto nasce com a vontade de ser a ferramenta dinámica para a construçom dessa Galiza vermelha, lilás e ceive que se nega à desapariçom da nossa identidade e com a que tantos corunheses e corunhesas sonham decote. Um ponto de encontro para @s que apostamos por umha Galiza soberana e de esquerdas.

Recuperar as tradiçons populares da histórica comarca das Marinhas, fechar as portas à imposiçom do castelhano e contribuir com diversas iniciativas ao fomento e normalizaçom do galego, oferecer actividades de lazer alternativas ao poder, festas populares autogestionadas, cinema e livros em galego-português, roteiros pola comarca, certames e obradoiros, palestras e seminários de formaçom, eis o que a partir desta sexta-feira 25 de Abril sorde na Corunha.

Convidados estades pois a participardes deste inovador e rebelde projecto que leva o nome do militante comunista galego José Gomes Gaioso, guerrilheiro antifascista assassinado polo regime franquista na cidade da Corunha a 6 de Novembro de 1948.

A seguir reproduzimos o programa da festa de inauguraçom:

Sexta-feira 25 de Abril (Revoluçom dos Cravos)

Às 19 horas, inauguraçom do centro Gomes Gaioso, rua Márconi nº9 rés-do-chao.

Haverá petiscos de graça e DJ Matherial porá música galega e da lusofonia (reagge, punk, rock, rap, ska...).

Às 22 horas concerto na sala Ínox com os grupos corunheses Trapalhada (Ska-punk) e Ultracáns (Speed folque), bilhete 3€.

Sábado 26 de Abril (Mártires de Carral)

Às 14.30 jantar popular (preço 5€)

A seguir foliada, traz o teu instrumento!!

Duelo entre os Regueifeiros Filipe de Dodro e Josinho de Teixeira e os rapeiros e deatdox Mitram e Gende.

Concertos de :

Nelsom Quinteiro

Xavier Dias  

Mais informaçom no nosso blogue: http://www.agal-gz.org/blogues/index.php/csggaioso

Gestora do Gomes Gaioso

Compartir:

Comentarios (0)

Escribir comentario

Nome

Comentario

Escribe os carácteres da imaxe

Novo Comentario