O voceiro do BNG no Congreso dos Deputados, Francisco Jorquera, asegurou en Lugo que a reforma da lei electoral para que os emigrantes voten en urna así como a defensa dunha Lei de Prazos que regule o aborto serán os "eixes" sobre os que os nacionalistas cimentarán a súa acción política nas Cortes.

Ademais, recordou que o BNG presentou no Congreso unha proposición de lei para reformar a lei do aborto e asegurar o "dereito básico das mulleres a interromper libremente o seu embarazo". En opinión de Jorquera, deben existir "garantías xurídicas suficientes para evitar situacións penosas como as vividas nos últimos meses" sobre este asunto.

Tamén se marcou como obxectivo impulsar o autogoberno e, nesta liña, reivindicou o traspaso á Galiza das competencias en materia de tráfico e seguridade vial, así como en salvamento marítimo ou en portos e aeroportos.

Jorquera presentou ademais algúns dos asuntos relativos á provincia de Lugo que tratarán nas Cortes. Entre outros, a nova ponte sobre o río Miño ou a necesidade dunha maior inversión para impulsar a chegada do AVE á cidade das Murallas ou as autovías Santiago-Lugo e Lugo-Ourense.

Compartir:

Comentarios (0)

Escribir comentario

Nome

Comentario

Escribe os carácteres da imaxe

Novo Comentario