A empresa galega 'Leite Río' comunicou xa a varias cooperativas a suspensión de recollida a partir do mes de maio, cumprindo así o anunciado o pasado martes polo seu propietario, Xesús Lence, quen concretou que, en total, serán 100.000 litros de leite diarios os que se deixarán de recoller entre Galiza e a provincia de León.

O propietario de Leite Río atribuíu esta suspensión aos tres millóns de euros de perda de mercado nos dous últimos meses, ao que sumou o almacenamento de 20 millóns de litros aos que non pode dar saída.

Os tres sindicatos coincidiron en que "non entenden" que se dera esta situación, xa que recordaron que o mercado é deficitario de leite, o que obriga ás industrias a importar máis de dous millóns de toneladas para cubrir as necesidades de consumo de nove millóns de toneladas coa cota que conta España de seis millóns de toneladas.

"O que debe facer é deixar de traer leite de Francia a prezo por debaixo do custo de produción e recoller a galega, se o fixese deste xeito non tería ningún almacenado", reprobou Tomás Díaz de Xóvenes Agricultores.

Tomás Díaz aclarou que con esta suspensión, as cooperativas non terá problemas para recolocar este leite, aínda que o máis seguro é que lles pagarán a un prezo máis baixo. 

Compartir:

Comentarios (0)

Escribir comentario

Nome

Comentario

Escribe os carácteres da imaxe

Novo Comentario