MundoGaliza - Ferrol dedica unha praza a Xosé Couso

Usuarios Rexistrados (Tamén para o Foro)

Ferrol dedica unha praza a Xosé Couso

Redacción MundoGaliza | Venres, 25 de Abril do 2008 | Sociedade

O Concello de Ferrol, gobernado en coalición por PSOE e Esquerda Unida, aprobou en pleno municipal ordinario a proposta de nomear 'Praza da Paz Xosé Couso' a unha zona do barrio de Esteiro, en homenaxe ao reporteiro gráfico falecido en 2003 cando participaba na cobertura informativa da guerra de Iraq.

A iniciativa foi proposta pola 'Asociación de Veciños Fontelonga de Esteiro' como modo de recordar ao cámara, de orixe ferrolá, asasinado polos disparos dun carro de combate contra o Hotel Palestina de Bagdad. A iniciativa xa fora aprobada pola Comisión de Cultura do pasado 18 de abril.

A 'Praza da Paz Xosé Couso' está situada na confluencia da Avenida de Esteiro coas rúas Zurbarán, San José, e a unión de Espoz e Mina con Muñoz Torrero.

Este recoñecemento ao xornalista gráfico se suma ao Premio Internacional de Periodismo Xosé Couso, que anualmente se celebra na cidade, organizado polo Club de Prensa Local en colaboración co Colexio de Xornalistas de Galiza e administracións e empresas privadas, para premiar profesionais comprometidos coa liberdade de prensa.

Comentarios (0)

Escribir comentario

< Ant.		Seg. >

[ Atrás ]