A novela 'O Soño da febre', do escritor Miguel Anxo Murado, foi a elixida pola Asociación de Escritores de Lingua Galega como a mellor obra narrativa de 2007. Nun acto celebrado en Santiago, no que participaron un centenar de escritores galegos, a Asociación deu a coñecer os gañadores dos seus premios 2007.

Ademais de Miguel Anxo Murado, recibiu o galardón de mellor obra de literatura infantil e xuvenil 'O único que queda é ou amor', de Agustín Fernández Paz; o de mellor ensaio 'De provincia a nación: historia do galeguismo político', de Xusto G. Beramendi; o de mellor tradución 'Poemas Canónicos' -de Kosntantinos Kavafis--, de Yolanda Vilarchao; o de teatro 'Ciclo de Marte', de Millán Picouto; e o de mellor poemario 'Sextinario: trinta e seis+tres', de Marica Campo.

Así mesmo, no acto tamén se entregou o premio 'Escritora Galega Universal' á poeta cubana Nancy Morejón; o galardón para institucións, que recaeu na Mostra de Teatro de Ribadavia; e o premio á mellor traxectoria xornalística, que foi para Xosé L. Méndez Ferrín.

Comentarios (0)

Escribir comentario

Nome

Comentario

Novo Comentario

Compartir: