O patrón do 'Playa de Bakio', Amadeo Álvarez, residente en Baiona, confirmou o bo estado de saúde de todos os mariñeiros, foron sometidos a un recoñecemento médico realizado por un facultativo da fragata Méndez Núñez, que actualmente escolta ao pesqueiro rumbo a Seychelles, onde está previsto que desembarque a tripulación.

O patrón do 'Playa de Bakio', Amadeo Álvarez, trasladou aos seus familiares que os secuestradores do atunero os tiñan apuntados con metralletas, aínda que lles deixaban moverse e os trataban "ben dentro do que cabe", segundo narrou a súa filla Rosa Álvarez.

Rosa Álvarez explicou que, na comunicación mantida onte co seu pai, este non lles explicou como se produciu a liberación nin se pagou un rescate, mentres dende o Executivo español se lles informou de que a resolución do problema fora "pacífica" e froito da "diplomacia".

En canto ao barco, "leváronse o de máis valor", especialmente aparatos electrónicos, e mesmo cortaron a liña telefónica, polo que "as comunicacións están danadas". Aínda así, os mariñeiros puideron establecer comunicación coas súas familias través de teléfonos inarámicos.

Compartir:

Comentarios (0)

Escribir comentario

Nome

Comentario

Escribe os carácteres da imaxe

Novo Comentario