Durante o mes de abril caeron na Galiza 10.482 litros de auga procedentes da chuvia, que deixaron os encoros no 68,13 por cento da súa capacidade. Nembargantes, esta cifra contrasta coa do anterior mes de abril, cando a ocupación media era dun 81,61 por cento.

A falta dos datos dos últimos días do mes, para os que se esperan precipitacións, a suma dos 69 pluviómetros que MeteoGalicia ten despregados pola xeografía galega revelan que, neses puntos, houbo unha media de 14 días de chuvia.

Durante o mes de abril, a provincia máis chuviosa foi a de Pontevedra, cun total de 3.441 litros rexistrados; seguida da de Lugo, con 3.300 litros; A Coruña, con 2.644; e Ourense, con 2.095 litros.

A máxima precipitación rexistrouse nun dos 16 pluviómetros de Pontevedra, o situado en Queimadelos, con 300,2 litros; mentres que a mínima se correspondeu coa Serra do Eixe, en Ourense, con 4,9 litros.

En canto aos días de chuvia, os 69 pluviómetros galegos rexistraron un total de 970 durante o mes de abril, o que significa unha media de 14 días húmidos. En canto a este parámetro, a provincia máis visitada pola chuvia foi a da Coruña, que oscilou nos seus puntos de control entre os 13 días de Corrubedo e os 18 da Coruña.

Comentarios (0)

Escribir comentario

Nome

Comentario

Novo Comentario

Compartir: