A concelleira de Medio Ambiente do Concello da Coruña, Neves Vázquez, recoñeceu hoxe que a planta de tratamento de residuos de Nostián non cumpre os obxectivos marcados de reciclaxe, aínda que apuntou que "é a mellor opción e está a funcionar ben".

Ao respecto, comparou Nostián con Sogama e considerou que a segunda é "un monstro" que só trata un de cada dous colectores que lle chegan e recicla o 14 por cento dos seus residuos, polo que "foi cualificada como un dos principais puntos de contaminación da Galiza", mentres que Nostián "é o modelo ideal e só foi defendido polos socialistas".

Neste senso, acusou ao PP de tratar de "boicotear" Nostián nun intento de que o lixo "siga incinerándose en contra das normativas europeas que apostan pola reciclaxe". "Están a utilizar un problema puntual para xeneralizar porque a vostedes lles dá igual a reciclaxe e defenden o modelo de Sogama que é absolutamente insustentable", criticou.

Unha idea que apoiou o voceiro do BNG, Henrique Tello, que tamén recoñeceu a situación "maioritariamente mellorable" de Nostián, mais incidiu na necesidade de "poñer o foco sobre o que importa realmente, que é impulsar a reciclaxe fronte á incineración de lixo".

Compartir:

Comentarios (0)

Escribir comentario

Nome

Comentario

Escribe os carácteres da imaxe

Novo Comentario