O BNG presentou no Congreso dos Deputados unha proposición non de lei na que insta ao Goberno a abordar na presente lexislatura as reformas precisas, "mesmo constitucionais", para establecer como circunscrición electoral nos comicios xerais e europeos o ámbito das comunidades autónomas e non a provincia, como acontece na actualidade.

Os nacionalistas galegos consideran que a evolución do Estado español demostrou que as circunscricións provinciais non son unidades cunha entidade política suficiente, senón que son "unha división administrativa decimonónica" que foi superada polas comunidades autónomas.

Nesa liña, tamén advertiron de que a evolución demográfica acentuou a concentración de poboación e "se dá unha desigualdade crecente" na distribución provincial de electores, o cal "introduce un elemento de dispersión" no sistema electoral español.

Así, referíronse á diferenza do que custa un escano en función do tamaño da circunscrición e a que a proporcionalidade do sistema electoral "se pon en entredito ao darse nas circunscricións provinciais máis pequenas o mesmo resultado que se aplicásemos un sistema maioritario".

Compartir:

Comentarios (0)

Escribir comentario

Nome

Comentario

Escribe os carácteres da imaxe

Novo Comentario