Asasinos de nenos

Redacción MundoGaliza   |   Martes, 29 de Abril do 2008   |   Internacional

Sete persoas morreron, incluídas unha nai e os seus catro fillos, e outras sete resultaron feridas despois de que carros de combate israelís abrisen lume contra unha vivenda na cidade de Beit Hanun, no norte da Franxa de Gaza, segundo informaron testemuñas e médicos á axencia de noticias palestina Maan.   Entre as vítimas mortais foron identificadas Jadra Abu Matuq e os seus fillos Ahmad, Hana -de tres anos-, Salih -de catro- e Rudayna -de seis-, ademais de Ayub Atallah -de dezasete- que se dirixía ao colexio. O director dos Servizos de urxencia en Gaza, Muawiya Hassanain, confirmou que as mortes se produciron logo de que os soldados israelís abrisen lume contra a casa da familia Matuq en Beit Hanun. Un proxéctil alcanzou o teito do edificio, dunha planta, no momento en que a familia almorzaba, segundo varios veciños da zona. As testemuñas informaron a Maan de que diversos carros de combate e excavadoras invadiron a localidade e dispararon contra as vivendas palestinianas. Unha portavoz das forzas israelís confirmou que as tropas actuaran en Beit Hanun, unha localidade desde as que milicias palestinas lanzaron foguetes contra territorio de Israel. A forza aérea e unha unidade de carros de combate dispararon contra un grupo de "homes armados" que intenaban aproximarse aos soldados, segundo a portavoz, que asegurou que non se atacou ningún edificio.   Compartir: Comentarios (1) 1 mohamad lah yarhamkom 05 de Maio do 2008 - 19:37 Escribir comentario Nome Comentario Escribe os carácteres da imaxe Novo Comentario

 

---

< Ant.		Seg. >