O barco de bandeira irlandesa 'Cappal ban' leva unha semana abandonado por parte da súa casa armadora no peirao de Oza, na Coruña, xunto aos seus catro tripulantes portugueses.

Nun principio, a tripulación contaba con seis membros pero dous deles, entre os que se atopaba o patrón que era galego, lograron recolocarse noutras embarcacións, unha vez que a armadora irlandesa se "desentendeu" da súa situación.

Este barco irlandés faenaba cigala no caladoiro do Gran Sol. O seu desprazamento ao porto da Coruña está orixinado por unha reparación que finalmente se converteu nun "abandono" por parte da casa armadora, "que non quere saber nada", reprobou Muñiz.

Ante esta situación, anunciou que se porá en contacto con "autoridades competentes" para que se poida dar unha solución a estes catro mariñeiros portugueses que de momento "sobreviven cos víveres" cos que conta a embarcación.

Compartir:

Comentarios (0)

Escribir comentario

Nome

Comentario

Escribe os carácteres da imaxe

Novo Comentario