|
O PPdeG acusa ao director da CRTVG |
|
|
|
Redacción MundoGaliza
|
Martes, 29 de Abril do 2008 |
Galiza
|
 |
O deputado do PPdeG Diego Calvo acusou ao director xeral da CRTVG, Benigno Sánchez, de "saltarse a lei para beneficiar ao PSOE" co obxectivo de manterse no seu cargo, ante o que o responsable do ente público lle recrimiou a súa "indignidade" e lle reprochou que "falsee a realidade gravemente". |
Durante un debate en comisión parlamentar, Calvo asegurou que Sánchez incumpriu a lei "a sabendas" co plan de cobertura dos medios públicos galegos para as eleccións xerais. Neste senso, criticou a súa suposta intención de "relegar" aos 'populares' nos espazos dedicados aos comicios.
Calvo argumentou que a Xunta Electoral da Coruña e a Central ditaminaron que ese plan de cobertura era "ilegal" polos criterios aplicados para ordenar as aperturas e os peches dos espazos. Finalmente, a CRTVG modificou as súas previsións antes de que comezase a campaña, posto que a resolución se produciu días antes da pegada de carteis.
Sánchez lle respondeu que a resolución de ambas as dúas xuntas non establece que a proposta da CRTVG fose contraria á súa xurisprudencia, xa que o mesmo documento foi avalado en 2007, con motivo das municipais. Ademais, remarcou que se cumpriu a sentenza.
"Iso é violar a lei? Hai que volver pasar pola facultade", espetoulle o director xeral da CRTVG, e reprobouno por facer acusacións "moi graves". Deste modo, recordou que se un funcionario público incumpre a lei a sabendas... iso "ten un nome", prevaricación.
O parlamentario do Grupo Popular comentou unha vez máis que Benigno Sánchez ten "o compromiso" do presidente da Xunta, Emilio Pérez Touriño, de seguir no cargo até o final da lexislatura, o que implicaría que a reforma do ente establecida no acordo de goberno entre socialistas e nacionalistas non entraría en vigor antes das eleccións autonómicas previstas para 2009.
Comentarios () |
|
|
|
|
|
