|
Zaplana Delegado de Telefónica para Europa |
|
|
|
Redacción MundoGaliza
|
Mércores, 30 de Abril do 2008 |
Estatal
|
 |
Eduardo Zaplana fichou como Delegado de Telefónica para Europa, con dependencia directa do presidente da operadora, César Alierta, e asumirá tamén os cargos de conselleiro de Telefónica O2 Europa e Telefónica O2 República Checa, anunciou a operadora. Lembrar apenas que Aznar, amigo íntimo de Zaplana, privatizou Telefónica e puxo á súa fronte ao seu tamén amigo César Alierta. |
Deste xeito, Zaplana abandona o seu escano no Congreso dos Deputados e se desvencella da política. Estaba previsto que Zaplana acudise á reunión convocada polo Grupo Popular no Congreso para comunicar o reparto das portavocías de comisións parlamentarias para a IX Legislatura, aínda que finalmente non asistiu.
Nun comunicado, a multinacional explicou que a fichaxe de Zaplana se enmarca na consolidación da presenza de Telefónica en Europa, tralas adquisicións de O2 e Cesky Telecom e a entrada no capital de Telecom Italia o ano pasado, onde controla o 10% das accións con dereito a voto.
Europa é, xunto con América Latina, un dos mercados estratéxicos para Telefónica, segundo destacou o seu presidente, César Alierta, durante a última xunta de accionistas. Alierta asegurou que a compañía reforzará a súa presenza no mercado europeo nos próximos anos co obxectivo de converterse nun operador integrado.
Comentarios () |
|
|
|
|
|
