|
Non hai reforma na lei electoral galega |
|
|
|
Redacción MundoGaliza
|
Sábado, 03 de Maio do 2008 |
Sociedade
|
 |
A Mesa da Cámara non admitiu a trámite a iniciativa lexislativa popular presentada por Esquerda Unida, na que pedía unha reforma da lei electoral galega para baixar ao tres por cento a barreira legal que permite optar a representación parlamentaria e que, actualmente, se atopa no cinco por cento. |
A Mesa considera que a proposta de IU afecta a unha materia de desenvolvemento básico do Estatuto de Autonomía que non pode ser modificada a través de iniciativas populares, tal e como establece a lei que regula este mecanismo.
No entanto, os dirixentes da federación de esquerdas explicaron, cando rexistraron o texto, que só propoñían este cambio precisamente porque outras modificacións máis profundas non poderían levarse a cabo a través dunha iniciativa popular.
IU non poderá sequer comezar coa recollida das 15.000 sinaturas precisas para debater o texto nun pleno. Os tres grupos parlamentares xa se mostraran reticentes a baixar a barreira legal, establecida no cinco por cento en 1992 grazas á maioría absoluta do PPdeG de Manuel Fraga.
Comentarios () |
|
|
|
|
|
