O Concello de Ribadeo decidiu decretar tres días de loito oficial na localidade tralo falecemento do ex-presidente do Goberno Leopoldo Calvo Sotelo, durante os que as bandeiras tamén ondearán a media hasta en sinal de loito, segundo explicou o alcalde, Fernando Suárez Barcia.

Así mesmo, e por decisión da familia, o Salón de Plenos da Casa do Concello acollerá dende primeira hora do luns a capela ardente do ex-presidente, que ao longo do domingo estará instalada no Salón dos Pasos Perdidos do Congreso dos Deputados, ao que está previsto que acudan numerosas autoridades.

Con posterioridade, os habitantes de Ribadeo poderán render un último adeus a Calvo Sotelo, que veraneaba na localidade da que provén a súa familia e na que será soterrado o propio luns e que, segundo o seu fillo maior, era "o pobo (supoñendo que se refire á súa xente) ao que estaba máis achegado".

Compartir:

Comentarios (0)

Escribir comentario

Nome

Comentario

Escribe os carácteres da imaxe

Novo Comentario