MundoGaliza - Poemas de Rosalía

Usuarios Rexistrados (Tamén para o Foro)

Poemas de Rosalía

Currently 0.0/5 Stars.
1
2
3
4
5

Cualificación: 0.0/5 ( votos totais)

Redacción MundoGaliza | Domingo, 04 de Maio do 2008 | Comunicación

Unha mostra con 25 poemas de Rosalía de Castro, acompañados cada un por unha ilustración feita por 25 artistas galegos, poderase visitar dende mañá e até o próximo 30 de maio, na biblioteca da Fundación Caixa Galicia de Santiago de Compostela.

A iniciativa, que se recolle baixo o título de 'Rosalía Ilustrada' aspira a mostrar a literatura 'rosaliana' a través dun espello diferente ao habitual, o da ilustración. Así, na exposición poderanse ver as ilustracións dos artistas da Galiza que recolleron co seu pincel e creatividade as sensacións que lles evocaron poemas como 'Follas Novas', 'Cantares Galegos' e 'En las orillas del Sar'.

Entre os artistas que participaron atópansde debuxantes, deseñadores e humoristas gráficos de banda deseñada entre os que destacan Xaquín Marín, Xosé Cobas, Fran Jaraba, Nacho Hortas, Suso Cubeiro, Manuel Uhía, Fausto, Fino Lorenzo e Raquel González, entre moitos outros.

A inauguración da exposición será hoxe luns, e nela estarán presentes o concelleiro de Cultura do concello de Ribadavia (Ourense), Anxo Collarte, e a representante da fundación, Beatriz Fernández-Anguiano.

Comentarios (0)

Escribir comentario

< Ant.		Seg. >

[ Atrás ]