O avogado dos familiares do matrimonio falecido no accidente acontecido o pasado xaneiro na rúa Jenaro de la Fuente volverá pedir prisión para un dos implicados no sinistro, Jorge Luis S.M., coñecido como 'Makelele', despois de ser detido onte por conducir un ciclomotor sen permiso e dar positivo na proba de alcoholemia.

Segundo explicou o avogado dos familiares, Enrique Fonterigo, esta nova detención, realizada cando o mozo está en liberdade baixo fianza, será incluída como proba dentro da instrución do caso de Jenaro de la Fuente, co obxectivo de pedir á maxistrada que leva o caso que dite prisión, así como as medidas provisionais pertinentes.

Así, apuntou que 'Makelele', ao conducir un vehículo, incumpriu parte das condicións polas que se lle outorgou a liberdade, xa que se lle retirara o pasaporte e o carné de conducir.

O letrado considerou que coa "grave infracción" cometida onte, posto que, ademais de conducir sen licenza botou unha taxa de alcoholemia tres veces superior á autorizada, e alertou de que é un "perigo" para as persoas.

Makelele é unha persoa que "ignora as normas cívicas e mesmo as xurídicas" ao tempo que recordou que "este é o seu terceiro delicto" relacionado coa seguridade do tráfico a pesar de que só ten 22 anos de idade. "A sociedade non se pode permitir o luxo de que estea na rúa", afirmou.

Makelele' foi a prisión provisional durante tres meses, aínda que posteriormente, despois de que se interpuxera un recurso, saíu libre baixo unha fianza de 12.000 euros e se lle retirou o pasaporte e o permiso de conducir.

Hai que ser serios e impor un bo castigo, non pode andar circulando un  suxeito así. Cárcere xa.

Comentarios (0)

Escribir comentario

Nome

Comentario

Novo Comentario

Compartir: