MundoGaliza - Festival Galego de Curtas de Sada

Usuarios Rexistrados (Tamén para o Foro)

Festival Galego de Curtas de Sada

Currently 0.0/5 Stars.
1
2
3
4
5

Cualificación: 0.0/5 ( votos totais)

Redacción MundoGaliza | Martes, 06 de Maio do 2008 | Comunicación

A curtametraxe 'Cores', dirixida polo compostelano Jairo Iglesias e producida por Mr Misto Films, alzouse co Premio á mellor Curtametraxe e ao mellor guión do Festival Galego de Curtas de Sada (A Coruña).

O alcalde da localidade de Sada, Abel López Soto, foi o encargado de anunciar o premio que foi recollido por Jairo Iglesias, que agradeceu o premio "a todos os asistentes e especialmente ao aos membros da equipa, porque sen eles esta curta non sería posible".

Este traballo foi seleccionado xunto a outras 20 pezas, entre as máis de 50 curtametraxes que recibiu a organización da primeira edición deste Festival Galego de Curtametraxes, e onde se puideron ver as máis atractivas propostas do audiovisual galego actual.

Este é o segundo festival ao que se presenta esta historia ambientada na Guerra Civil, e que representa o cuarto traballo de curta duración do premiado director Jairo Iglesias. A semana pasada xa obtivo o premio do público no festival 'Redondela en curta'.

Comentarios (0)

Escribir comentario

< Ant.		Seg. >

[ Atrás ]