MundoGaliza - Caen as vendas de coches na Galiza

Usuarios Rexistrados (Tamén para o Foro)

Caen as vendas de coches na Galiza

Currently 5.0/5 Stars.
1
2
3
4
5

Cualificación: 5.0/5 (1 votos totais)

Redacción MundoGaliza | Martes, 06 de Maio do 2008 | Economía

As matriculacións de coches alcanzaron na Galiza as 20.687 unidades nos catro primeiros meses do ano, o que supón un descenso do 14% respecto ao mesmo período de 2007.

Esta caída é un pouco superior á experimentada no conxunto de Estado, que foi do 11,5%, ao matricularse 471.303 até abril, segundo datos difundidos polas asociacións de fabricantes (Anfac) e vendedores (Ganvam).

Anfac e Ganvam revisaron á baixa as súas previsións para o conxunto de 2008, exercicio no que esperan unha caída das matriculacións de entre o 7% e o 9%, fronte á anterior estimación que contemplaba un descenso de entre o 2% e o 3%.

Esta revisión á baixa das previsións para 2008 débese á caída do consumo privado, á retirada "inoportuna" do Plan Prever e ao endurecemento das condicións para a concesión de créditos, indicou nun encontro cos medios o presidente de Anfac, Juan Antonio Fernández de Sevilla.

Comentarios (0)

Escribir comentario

< Ant.		Seg. >

[ Atrás ]