| "Traizón" e "violación flagrante" |
|
|
| Redacción MundoGaliza | Martes, 06 de Maio do 2008 | Galiza | |||
Para o alcalde capitalino, a decisión anunciada polo conselleiro de Medio Ambiente, Manuel Vázquez, é "unha violación flagrante" dos acordos adquiridos polo BNG e o PSOE para configurar o goberno bipartito da Xunta. "No pacto de goberno asinado por Emilio Pérez Touriño e Anxo Quintana en 2005, recollíase expresamente o traslado das dúas factorías da súa actual situación", recordou Fernández Lores que, en consecuencia, interpreta a concesión da autorización ambiental integrada como "un paso atrás e unha traizón moi grave ao posicionamento do goberno local e aos pontevedreses". O alcalde de Pontevedra anunciou que o Concello de Pontevedra recorrerá esta decisión da Xunta e levará a súa oposición "até as últimas consecuencias". No seu momento, a casa do concello informou en contra da concesión desa Autorización a Elnosa, e Lores sinalou que mantería ese posicionamento de solicitarse a súa opinión no caso de Ence. REXEITAMENTO ECOLOXISTA. Nesta mesma liña pronunciouse o presidente da Asociación pola Defensa da Ría de Pontevedra, Antón Masa, quen asegurou que non lle sorprendeu a decisión da Xunta porque "xa se vía vir". "Entendo que o BNG se sinta traizoado polo PSOE porque había un acordo para sacar Ence-Elnosa da ría de Pontevedra nesta lexislatura e agora xa non vai ser posible", engadiu Masa. Pola súa parte o voceiro municipal do PP no Concello de Pontevedra, Telmo Martín, aplaudiu a decisión da Xunta aínda que criticou que o bipartito aínda non cumpriu o seu compromiso de reunir a mesa de concertación para discutir sobre o futuro de Ence. Pois Lores aínda queda curto nos seus cualificativos, algúns pontevedreses coma quen está a escrever aínda máis diroamos se nos deixaran e nos foran escoitar.
Compartir:         |
|||
| < Ant. | Seg. > |
|---|
