|
Redacción MundoGaliza
|
Mércores, 07 de Maio do 2008 |
Galiza
|
|
O Concello de Lugo, que preside José López Orozco, instou á Consellaría de Vivenda
a abrir un período de diálogo con todos os concellos sobre o decreto das normas do hábitat, que regula as características que deben de ter as vivendas na
Galiza. Ademais, o grupo municipal socialista a través dunha moción
pretende modificar
determinados aspectos do decreto que, ao seu xuízo, "inciden na
autonomía municipal".
|
O responsable comarcal do BNG e vicepresidente da Deputación, Antón
Bao, considerou "extemporánea" a petición de diálogo que traslada o
Concello de Lugo á Consellaría de Vivenda sobre as normas do hábitat.
"O que lamentamos é que o PSOE de Lugo non se sume ao cambio e
non se sumen a un acordo que tomou o Goberno galego no Consello da
Xunta e polo tanto o conxunto do goberno", protestou.
Bao aseverou que se trata dunha "norma que vén a poñer enriba da
mesa as necesidades da cidadanía en canto a poder acceder a unha
vivenda digna".
O voceiro do BNG no concello de Lugo, Xosé Anxo
Laxe, tachou de "inaudito" que o grupo municipal socialista votara no
pleno de onte "en contra do decreto asinado polo presidente da Xunta".
"Foi inaudito ver votar ao PSOE de Lugo en contra dun decreto, defendido
unanimamente polo Goberno galego", lamentou.
Para o voceiro nacionalista este comportamento é "unha mostra
máis de confrontación" do alcalde Orozco coa Xunta de Galicia, tanto
por esta moción coma por manifestar a súa intención de non entrar no
Consorcio de Servizos Sociais. Laxe opinou que se trata dun "mero
capricho do alcalde, que repercute na cidadanía e nas dotacións e
servizos que esta cidade percibe por cabezonería de Orozco".
Comentarios () |
|
|
|
|
|
