Xa son preto de 170 as familias que actualmente xestionan os seus propios residuos orgánicos no concello de Arzúa; e este sábado sumaranse 50 familias máis a esta segunda fase do proxecto. O proceso iniciase cunha reunión informativa da execución do proxecto e tamén formativa acerca do proceso de compostaxe cas partes implicadas no proxecto e os participantes seleccionados.

Dita reunión de participantes de compostaxe doméstica terá lugar no Salón Multiusos do concello de Arzúa o sábado día 10 de Maio ás 11: 00 horas. Trala formación efectuarase o reparto de material, e os participantes asinarán un contrato de aceptación das condicións do proxecto.

O obxectivo do proxecto é o de reducir os residuos orgánicos producidos no concello, obter un abono de calidade, e concienciar aos cidadáns acerca da problemática asociada aos residuos. Para elo se repartirá un composteiro de 420 litros a cada familia. Asimesmo, se lles proverá dun manual para coñecer máis de preto o proceso e asesoramento técnico a domicilio e por teléfono, por parte dos monitores de Amigos da Terra.

A difusión do proxecto entre os cidadáns, así como a selección dos beneficiarios, estivo a cargo do Concello de Arzúa. Os requisitos para participar incluían o habitar unha vivenda unifamiliar con parcela anexa cultivada , a concienciación ambiental e o número de habitantes da vivenda. Finalmente, escolleronse 50 familias participantes que cumprían estes requisitos.

Unha vez se inicie o proceso nas vivendas, realizaranse tres visitas nos domicilios dos participantes, así como algunha visita extra si fora solicitada, para resolver dúbidas e recoller datos relativos á evolución do proxecto. Por último, transcorridos oito meses se extraerán mostras para ser analizadas , demostrando así a viabilidade do proceso e a calidade do produto obtido.

Compartir:

Comentarios (0)

Escribir comentario

Nome

Comentario

Escribe os carácteres da imaxe

Novo Comentario