MundoGaliza - A sociedade galega moi por encima dos gobernos

Usuarios Rexistrados (Tamén para o Foro)

A sociedade galega moi por encima dos gobernos

Redacción MundoGaliza | Venres, 09 de Maio do 2008 | Galiza

O político nacionalista Camilo Nogueira puxo en valor a "marabillosa e extraordinaria" reacción da sociedade galega á entrada do Estado español na Unión Europea "a pesar dos gobernos de Madrid e de Santiago".

Así se expresou onte Nogueira antes da presentación dos seus dous novos ensaios, 'Europa, o continente pensado' e 'Galiza na Unión. A porta Atlántica', nos que reflexiona sobre a evolución da realidade política europea e a participación da Galiza neste proceso.

Neste senso, o que fora eurodeputado polo BNG destacou o papel da cidadanía galega trala integración que, ao seu xuízo, permitiu un crecemento económico "extraordinario". Porén, mostrouse moi crítico con algunhas decisións de Europa e con como xestionou España a súa presenza.

Puxo o exemplo dos "vetos" á construción naval, e a pesar deles a día de hoxe a comunidade é unha "potencia" no sector. Tamén censurou a repartición que o Goberno central realizou dos fondos de cohesión, ao "apropiarse" deles para destinalos ao eixe Barcelona-Madrid-Sevilla.

Ademais, reivindicou o lugar da Galiza na Unión Europea e asegurou que a capital española é "moito máis excéntrica" que o territorio galego. Tamén defendeu a relación con Portugal e resaltou que, a día de hoxe, os intercambios comerciais co país irmán son máis intensos que con zonas como Andalucía ou Levante.

Comentarios (0)

Escribir comentario

< Ant.		Seg. >

[ Atrás ]