O corredor galego do Karpin, Ezequiel Mosquera, adxudicouse a primeira etapa da Clásica de Alcobendas, disputada entre esta localidade e Navacerrada sobre un terreo de 145 quilómetros, por diante de Tomasz Marczynski (Flaminia) e Massimo Codol (Acqua Sapone), aos que aventallou en máis dun minuto.

E é que Mosquera deu un recital nunha etapa moi complicada -catro horas seguidas de choiva e dous grados de temperatura- que comezou coa subida a Canencia e seguiu co ascenso a Morcuera desde a vertente de Rascafría.

Mosquera saltou desde atrás e en Morcuera colleu ao grupo dianteiro tralo descenso, entre os que se atopaban Mario García (Selección Española), Tomasz Marczynski (Flaminia) e Rui Faría (Benfica), e xuntos chegaron a Navacerrada.

O polaco foi o primeiro que quixo tirar do grupo, pero nese momento, o galego lanzou un ataque moi forte a falta de seis quilómetros do alto que deixou aos seus perseguidores sen posibilidades de alcanzalo e lle garantiu a vitoria final.

Comentarios (0)

Escribir comentario

Nome

Comentario

Novo Comentario

Compartir: