O alcalde de Ourense, Francisco Rodríguez, realizou unha visita institucional á Cámara Lexislativa de San Salvador de Bahía (Brasil) onde tratou co seu presidente, Valdenor Cardoso, o irmanamento entre as dúas urbes con fins culturais e de promoción económica.

Entre as bases que sustentarán o irmanamento, o Concello ourensán sinalou a "ampla presenza de emigrantes" desta cidade de San Salvador de Bahía así como "as proximidades culturais e lingüísticas".

Dentro dos trámites para executar o irmanamento, os dous mandatarios acordaron "preparar unha misión empresarial" na que membros de goberno brasileiro e "destacados empresarios" do país sudamericano "coñezan as fórmulas de incubación das empresas ourensás".

Ademais de reunirse con Valdenor Cardoso, o rexedor ourensán mantivo un encontro cunha delegación de empresarios galegos en Brasil para darlles a coñecer os "novos escenarios de crecemento aos que se enfronta Ourense", xerados pola "chegada do AVE e o desenvolvemento do Plan Termal".

Compartir:

Comentarios (0)

Escribir comentario

Nome

Comentario

Escribe os carácteres da imaxe

Novo Comentario