"A estrada empezou a moverse mentres conducía. Caeron rochas desde as montañas e o pó escureceu o ceo en todo o val", relatou un condutor que se atopaba perto do epicentro do terremoto de 7,8 grados que onte golpeou o suroeste de China.

Os equipos de rescate traballan para atopar supervivientes baixo os escombros mentres a cifra de mortos non deixa de aumentar. Segundo as últimas informacións, hai case 9.000 vítimas mortais e uns 10.000 feridos, a maioría na provincia de Sichuan.

A última hora de onte, Wenchuan, a cidade máis próxima ao epicentro do seísmo, estaba incomunicada. Era imposible establecer comunicación telefónica e a estrada de accceso quedara cortada por un desprendimiento de terra.

Tampouco se sabía nada do próximo parque natural de Wolong, a maior reserva do mundo de osos panda. A só cincuenta quilómetros de alí, en Beichuan, calculábase que morreran entre 3.000 e 5.000 residentes.

Comentarios (0)

Escribir comentario

Nome

Comentario

Novo Comentario

Compartir: