A delegada de Medio Ambiente no Concello de Madrid, Ana Botella, uniuse a Esperanza Aguirre no seu respaldo a María San Gil. Botella asegurou que a cuestión do nacionalismo é o fondo que levou á presidenta do PP vasco a abandonar o relatorio político que preparaba para o congreso que celebrarán en xuño.

Ademais, subliñou que San Gil abandonou o relatorio político porque poida que nela "non estean garantidos os principios do partido nese relatorio".

"No País Vasco morreron moitas persoas nestes anos por defender a idea de España e creo que a maioría dos votantes do PP e os militantes do partido defenden a idea de España e imos loitar porque (esa idea) se vexa reflectida no relatorio político", destacou Botella.

A presidenta da Comunidade de Madrid, Esperanza Aguirre, asegurou que o abandono de San Gil do relatorio político debe levar "a reflexionar", sobre todo aos que teñen "a máxima responsabilidade política a nível nacional", un dardo contra Rajoy. "San Gil é unha referencia moral dentro do partido; non é ningunha funcionaria nin ningunha persoa que non estea por outra cousa que non sexan as conviccións profundas", engadiu Aguirre.

San Gil parece ter case calquera outra virtude que non sexa a moral. En canto a Espe e a Anita, a unha quere ser presidenta e a outra, que ve o posto xa libre, alcaldesa... ou presidenta dos madriles.

A idea que teñen atopa respaldo no máis granado do partido, Acebes dixit. 

Comentarios (0)

Escribir comentario

Nome

Comentario

Novo Comentario

Compartir: