O Indice de Prezos de Consumo (IPC) incrementouse un 1,1 por cento na Galiza en abril respecto ao mes anterior, co que no que vai de ano rexistra un aumento do 1,4 por cento e a inflación interanual se sitúa no 4,4 por cento, dúas décimas por riba da media estatal.

Os prezos subiron en todo tipo de produtos agás no vestido e o calzado, onde caeron un 3,8 por cento e no ocio na cultura. Pola contra, a vivenda rexistra o pico máis alto da alza cun incremento do 4,5 por cento.

Por provincias, Lugo e Ourense, os prezos aumentaron máis que a media da comunidade, cun 1,5 e 1,3 por cento, respectivamente. Mentres, en Pontevedra igualouna, con 1,1 por cento e A Coruña rebaixouna nunha décima (1 por cento).

No conxunto de España os prezos subiron un 1,1% no mes de abril respecto a marzo, mais a taxa interanual baixou tres décimas, até o 4,2%, rexistrando o seu primeiro descenso en sete meses, segundo os datos feitos públicos polo Instituto Nacional de Estatística (INE).

Comentarios (0)

Escribir comentario

Nome

Comentario

Novo Comentario

Compartir: