MundoGaliza - Tribunal compostelano rectifica

Usuarios Rexistrados (Tamén para o Foro)

Tribunal compostelano rectifica

Mércores, 14 de Maio do 2008 | Opinión

Tal e como informamos no passado mês de Abril, o Tribunal de 1ª Instáncia nº 1 de Compostela dirigira-se à nossa organizaçom para reclamar umha “traduçom” de um texto redigido em galego escrito na sua forma histórico-etimológica, também conhecida polo nome de ‘reintegracionista’, e nom na forma isolacionista proposta pola RAG.

De maneira imediata, os serviços jurídicos de NÓS-UP apresentárom um recurso com diferentes mostras documentais de como o uso do galego reintegrado tem precedentes claros no ámbito judicial, inclusive sentenças emitidas por magistrados. Desde o primeiro momento, decidimos evitar que o Tribunal compostelano pudesse aplicar a arbitrária censura em forma da “traduçom” que esse órgao judicial nos exigia.

Finalmente, no dia 3 de Maio, a nossa organizaçom recebeu umha nova notificaçom do mesmo tribunal dando por válida a anterior demanda apresentada, e convocando a a nossa organizaçom e a entidade demandada, a Unión Federal de Guardias Civiles, para o dia 29 de Maio de 2008.

NÓS-Unidade Popular congratula-se pola rectificaçom do Tribunal compostelano e espera que, por fim, podamos exigir à UFGC umha rectificaçom das graves calúnias lançadas por essa entidade contra a nossa, quando chegou a acusar-nos, em numerosos meios de comunicaçom, de “estarmos preparados para atentar” (sic).

Permanente Nacional de NÓS-Unidade Popular

Galiza, 14 de Maio de 2008

Comentarios (0)

Escribir comentario

< Ant.		Seg. >

[ Atrás ]