A Reitoria da USC semelha estara a cumprir bem com o seu cometido, isto é, com a mercantilizaçom da maior universidade do País a través do estabelecimento de fundaçons com entidades de capital privado. Deste jeito é que a educaçom "pública" no Estado espanhol se tem introduzido no marco dos tentáculos, nomeadamente, do Grupo Santander.

Emilio Botín e a sua filha como cabeças do Banco Santander-CH, e Senén Barro como cabeça da USC, estám a converger numha idílica relaçom que está a engolir a cada vez mais instituiçons académicas nom só espanholas, mas também do continente americano, numha expansom geográfica adaptada aos movimentos transnacionais do grande capital do banco espanhol.

Segundo alguns meios burgueses espanhóis, isto está a consolidar nas elites capitalistas o bem-querido Senén Barro, recentemente eleito vice-presidente da Conferencia Nacional (espanhola) de Reitores. E claro, isto é algo do que se supom deveriamos orgulhar-nos.

RedEmprendia é umha armadilha fundamental neste processo de sobmetimento, concretamente em matéria de investigaçom, do ensino superior ao melhor postor, ao melhor "mecenas", neste caso o Banco Santander.

Na progressiva destruiçom neoliberal dos serviços públicos oferecidos polo Estado burguês, a funçom investigadora das universidades cobra um peso realmente inaudito, como podemos observar pola actual vaga de publicaçom de cartas, artigos, notícias e dossieres jornalísticos ao respeito.

E é que o capital deseja tornar as universidades nos novos macro-centros investigadores com ajudas e logística públicas mas ao seu próprio serviço: ao serviço da competitividade tecnológica apadrinhada pola especulaçom financeira, arrassando neste processo de privatizaçom todo espaço de liberdade e democracia para umha universidade pública, gratuita, de qualidade, nacional e nom patriarcal.

Nós, entretanto, seguiremos luitando e chamando à luita para que fique claro que O ENSINO NOM É MERCADORIA.

Comentarios (0)

Escribir comentario

Nome

Comentario

Novo Comentario

Compartir: