O propietario do hotel de Poio no que foron realoxadas provisionalmente dúas familias xitanas do Vao urxiu ao Concello que abandonen os cuartos antes da tempada de verán. O empresario recordou ao concello que "o compromiso inicial de aceptar estas familias era un realoxo provisional", logo de abandonar os pisos do barrio pontevedrés de Monteporreiro.

"No hotel só ían estar o tempo imprescindible para que o Concello, con axuda da Xunta buscase unha situación definitiva", admitiu o alcalde de Poio, Luciano Sobral, quen xa trasladou este novo contratempo á Comisión de Integración, creada por Vicepresidencia da Xunta, para abordar o conflito creado polos realoxos das familias xitanas.

O rexedor explicou que "o propio hotel antes de que chegásemos a un acordo puxo de manifesto a posibilidade de que antes de chegar ao verán, no mes de xuño, ter os cuartos libres"

O establecemento hoteleiro elixido polo Concello de Poio é un edificio de apartamentos e cuartos simples que se atopa moi próximo ao asentamento chabolista e que conta con 53 dormitorios. Sobral explicou que aínda non teñen unha solución para estas familias.

Comentarios (0)

Escribir comentario

Nome

Comentario

Novo Comentario

Compartir: